اتبع سراب الحب عايش في خيـال المستحيـل
ازريت اخفف من عناي اللـي يشيلـه منكبـي
كنت احسبه حالي على قلبي سوات السلسبيـل
وني وصلت لغايتـي ونـي وصلـت لمطلبـي
واثره على حد الضلوع ذوقني الليـل الطويـل
وصلني امواج الهـلاك اللـي تعانـد مركبـي
من عقب ما عزم على فرقاي ابو الرمش الضليل
قمت اتوجد من سهوم الوقـت ونعـي لتعبـي
عز الله انها جمرة (ن) طاحت على وسط الشليل
من بعدها خلت شديد القـوم يجلـس ويحبـي
علة سموم الجسم من ضخـات قلبـه العليـل
يقطعك يادم (ن) عليل (ن) في خفوقي وش تبي
حول على ذيك الديار من السماء برق المخيـل
ذيك الدياران جيتهـا وش عـاد بالدنيـا ابـي
ما جيـت ادور مـدة اليـد البخيلـه والبخيـل
لو كان مشهاي وغناتي فـي يديـه ومشربـي
جفت ينابيع الغزل من عقـب بيتـه والرحيـل
وشحت ظروف مشاهده وقفت مرابيـع الظبـي
ماعاد له ذكرى على سمعي سوا صوت الصميل
صوت (ن) ليامني ذكرته شال بي ثـم حطبـي
مليت من عشق الخيال اللي يضـم المستحيـل
ومنهو نشدني قلت له قصـه قديمـه وتهبـي
لكن اسمـع للمثـل خيـر السوالـف بالقليـل
يرحمك ياشعر(ن) اسرته فـي دفاتـر مكتبـي
ودعتها وانا علـى كبـدي وقايـد مـن فتيـل
من بعدها لا تنشـد العاشـق ولا وش حلبـي
مما راق لي
..............................
العرض العادي
