السلام عليكم ورحمة الله
سبق وان وعدتكم بنماذج من محاورات الشاعر نابي الرمالي فإليكم هذه النماذج:
هذه المحاورة بين نابي الرمالي ومحمد بن سعود الحربي
(نابي)
> سلامي على حرب الوفا والمعاني بالصميم٠
> ومن هو يريد اللعب يحسب حساب الشمري٠
> أشوف اللحى متخالطه بالشوارب والفهيم٠
> يحكم لعقله قبل فعله وأنا حظي بري٠
> (محمد)
> هلا مرحبا عن حرب ربعي منزحة الخصيم
> من الشاعر اللي بالمعاني يبيع ويشتري
> لياصرت يانابي معك عقل وانسان حكيم
> ترى ما انت وحدك بالتفاكير والحكمة ثري
> (نابي)
> يدوم البقى والليل دامس ودون النجم غيم
> وحنا ترانا ما نطيع العدو المفتري
> بعد وكلك مندوب له قال والله العظيم
> مصيرك مصير الأنبياء قو قلبك ياجري
> (محمد)
> تزول الغيوم ويظهر النجم بالليل العتيم
> عسى الشمري في عرفة الدرب والمنهج حري
> يقولون نابي مابعد زار زمزم والحطيم
> وانا اقول زرها لجل اعرفك واشوفك بنظري
> (نابي)
> أنا كنت أحسبك تمسح الدمع عن خد اليتيم
> وأثر دمعة اليتمان عندك يابو لحية فري
> وأنا لابغيت ألقاك مابين دوبح والقصيم
> ولافيه حربي بالزمن غير جنبه عسكري
> (محمد)
> ترى دمعة اليتمان في دبرة الرب الكريم
> والا ياصميل البدو وشبك بسرعة تنفري
> ولافيه خوف إلا من الله وافهم يانديم
> قل لراعي الاطلال بانقاضها وش يحتري
> (نابي)
>
> أذا مخكم ريموت فره عن الموجه لئيم
> ترا مال نابي خص بالمرتزق والعبقري
> أنا كل ماحصلت حربي لقيته مستقيم
> ولكن عذروبه مع العلم باقي عنصري
> (محمد)
> ترانا بواد التيه مع كل غاوي ما نهيم
> ليا ظلوا الجهال بسباب عجل السامري
> ترى عنصريتنا يانابي لمنهجنا القويم
> وترى العولمة في تالي الوقت منهجها عري
ــــــــــــــــــــــــــــــــــــــــــــــــــ ـــ
ابيات بين محمد الحربي ونابي الرمالي:
> يانابي وش النابي حسب قول الاعراب
> ليامن كل قام ياصف حبيبه
> نابي:
> كلام العرب ماهو عجم كيف ترتاب
> وإذا كنت تجهل كل نابي مصيبة
> محمد:
> ترى كل نابي قول عكس للآداب
> واكرمك عن نابي كلام ومعيبة
> نابي:
> ترى ماش هرج نابي بين الاصحاب
> تلفلف علومك وانت قايد كتيبة
ـــــــــــــــــــــــــــــــــــ
محاروة اخرى
محمد:
> سلام مني عدد مالاح برق الخريف
> سلام ينصى الرمالي يم ديرة هله
> قالوا لي انه شريف وقلت ماهو شريف
> واليازعل قلت هذا هو دليل اجهله
> نابي:
> يامرحبا ياهلا بك يابو قلبن نظيف٠
> ياشاعرن ثوبه اللي نعرفه بدله٠
> أشراف طي الطنايا صح مافيه زيف٠
> وبأشراف كل الجزيره أفتخر لي صله
الإهداءات
« آخـــر الـــمـــشـــاركــــات »
العرض العادي
