سجل حضورك ببيت شعر...

جريت صوتي تالـي الليـل جـره
والناس هجعا وارفع الصوت بابيات

ولقيت فـي سـود الليالـي مضـره
كم كلمة ولـت وراحـت ولاجـات

النـوم يعـرض للعيـون وتـمـره
مر الكرام اللي خطاهـم سريعـات

تلبس حرير وبنت الاحـرار حـره
عمهوجة تغدي لها النفـس توقـات

دنيـا تزيـن للغـريـر وتـغـره
بين الليـال وبيـن الايـام غـرات

غـارة زمـان ويكفـي الله شـره
أدري الهوي والنفس وابليس ما مات

إحـذر عـدوك دبـه العمـر مـره
واخذ الحذر من صاحبك عشر مرات

وتقول لي ( بغـداد ) راحـت ندامـه
ياخيّ جاني علمهـا عـام ( تسعيـن )

ماهـي غريبـه لا فقدنـا الزعامـه ..
بس المصيبه نفخر بحرب .. حطيـن

بعنا الكرامـه .. واشترينا السلامـه
نبي نفوز بشي .. فزنـا بـولا شيـن

هم وهمونا أن السـلام ( الحمامـه )
صرنا حمايم .. بس صـاروا شياهيـن

يكـاد هالإنسـان يفـجـر أمـامَـه
من كثر ما يسأل .. متى نوفي الديـن؟!

تظهـر علامـه .. وأتّخفـى علامـه
ملايكـه تقفـي .. وتقبـل شياطـيـن

ومن قال لك توه ... زمـان القيامـه
قله : طريق الشام .. سـووه سيديـن

من قارب الأجرب بالأمراض يعديه,,,,عدواه تصطى بالحم والعظامي

درب السلامه بينات مماشيه ,,,, ودرب العطب يرث عليك الكلامي



بنت الردي حذراك حذراك تعجبك,,,,واحذر تصير لمثل هاذي حليلي

وعن مايعيب النسل عرب مناسبك,,,وعليك في بنت الحصان الأصيلي



ربعك اليا بان الخلل فيك عافوك,,,أقرب قريب لك من الناس يشناك

ان كثر مالك اصدقولك وطاعوك,,,, وان قل مابيدك شانت حلاياك



اليا نويت احذر تعلم بطاريك,,,,كم واحد تبغى منه العرف وأغواك

وحذراك عن طرد المقفي حذاريك,,,,عليك بالمقبل واترك اللى تعداك

لاتكتئب..لا تنجرح..واجه صحاري المستحيل,,, الحزن لوما صافحك..لازم عليك إتصافحـه
الوقت لو صدك ..تأكد إنك إنت..إنت الأصيـل,,, يبقى شموخك مرتفع ..مثل الطيور الجارحه
كون الجبل ..كون بحياتك كلها عابر سبيـل,,, وإن ظامك الدهر بكفوفه وبجروحه..سامحه

على نهج الرجال الي تبرهن بالافعال اقوال
سبق فعلي فعل فمي قبل ينطق باقواله

وترى لاخير في رجل ٍ يقول ومافعل ماقال
مدام ان الرجل فينا رصيده جملة افعاله

وانا ماني من الي قال وقال وضيع الافعال
وضاع وكذب وصدق كلامه وزين اعماله

انا رجل ٍ على قد الكلام وموقفي رجال
بوقت ٍ للاسف كثرة حريمه وقلة رجاله

قنوع ٍ بالقدر ماهز كياني حاقدٍ له فال
وانا مؤمن بحكم الله وفال الله ولا فاله

عزيز ٍ لو اعوز المال كفتني هالقناعه اموال
كريم ٍ ما بخل جيبي على كف ٍ من امواله

صبور ٍ احمل همومي على متن الحياة جبال
طموح ٍ لو رقيت ارقى من طموحي سوى جباله

ان مات غالي .. قلت حيل الله اقوى
انــا آدمــي مثله .. ولا في يدي شي

مــاهــي بسيطة موتته .. لكن اشوى
المشكلــة .. لــَ مــات قلبه وهو حي

عذري معي لاغبت عن منتداكـم
وان زرتكم سجلت معكم حضوري
يكبر بقلبـي كـل يـوم غلاكـم
واصبح لقاكم كل وقت ضـروري

مآفيه .. شخص من البشر مآله ذنوب !
نـذنـب ... وندري عآقبتهآ وخيـمه

أحدٍ ، على مصحفْه ... يبكي يبي يتوب
و أحدٍ ، على mbc .. مقآبل حليمه !